Cam 1: Gwneud
Beth yw e?
Dangos pa mor boeth neu oer yw eich micro:bit gan ddefnyddio'r synhwyrydd tymheredd parod.
![micro:bit yn dangos rhif 9 wrth ymyl eicon thermomedr](https://cdn.sanity.io/images/ajwvhvgo/production/2baf587dd448d81d9b4dd24dab787dab0d8e67db-1703x1155.png?w=653&q=80&fit=max&auto=format)
Sut mae'n gweithio
- Mae'r rhaglen hon yn dangos pa mor boeth neu oer yw eich micro:bit drwy gymryd darlleniad o'r synhwyrydd tymheredd yn ei brosesydd neu CPU (uned brosesu ganolog).
- Mae tymheredd y prosesydd yn frasamcan eithaf da o'r tymheredd o'ch cwmpas mewn °C (Celsius).
- Yn y rhaglen hon, pan fyddwch yn gwasgu botwm mewnbwn A, bydd y micro:bit yn dangos tymheredd presennol y prosesydd ar ei allbwn dangosydd LED.
- Mynd â'r micro:bit i mewn i leoedd cynhesach ac oerach a gweld sut mae'r darlleniadau tymheredd yn newid.
Beth sydd ei angen arnoch
- micro:bit (neu efelychwr MakeCode)
- Golygydd MakeCode neu Python
- pecyn batri (opsiynol)
- ffynhonnell gwres neu oeri, fel ffan, os ydych eisiau gweld y tymheredd yn newid yn gyflym (opsiynol)
Cam 2: Codio
Cam 3: Gwella
- Cymharu'r darlleniad â thermomedr arall. Pa mor gywir yw'r micro:bit? A oes angen i chi addasu darlleniad y micro:bit i gael tymheredd yr aer?
- Trosi'r tymheredd yn Fahrenheit neu Kelvin.
- Defnyddio radio i wneud synhwyrydd o bell sy'n anfon darlleniadau tymheredd i micro:bit arall, er enghraifft o'r tu allan i'r tu mewn. Gallech wneud thermomedr dan do/y tu allan yn y modd hwn.
This content is published under a Creative Commons Attribution-ShareAlike 4.0 International (CC BY-SA 4.0) licence.
![Ariennir gan Lywodraeth Cymru / Funded by Welsh Government](https://cdn.sanity.io/images/ajwvhvgo/production/4d56c9bba1dd53264761c94e9b9e0626d25b2f8d-770x239.png?bg=fff&w=444&q=80&fit=fill&auto=format)
Translation generously supported by the Welsh Government.